Mouvement Écologique
déi Jonk am Mouvement Écologique

About

Du wëlls dech engagéieren?

move. ass e Jugendgrupp a mir setzen eis fir eng zukunftsorientéiert an ëmweltbewosst Gesellschaft an. Eist Zil: datt d’Stëmm vun der jonker Generatioun och gehéiert gëtt! Eis Themeberäicher sinn enk mam Ëmweltschutz verbonnen! Klimawandel, Naturschutz, Globaliséierung, Mobilitéit, Wunnen, Landwirtschaft, Matbestëmmung, Schoul oder grenzelose Konsum sinn alles Themen mat deene mir eis beschäftegen.

Natierlech kënne mer drop waarden datt anerer sech drëm këmmeren. Mir kennen awer och selwer aktiv ginn, eis zesummendoen an ufänken eppes ze veränneren. Du fënns quasi alles wat mer bis elo gemaach hunn ënnert dem Beräich THEMEN.

Versammlungen:

Mir treffen eis meeschtens Donneschdes um 17h30 am Oekozenter Pafendall! All eis aner Aktivitéiten, Projeten an Aktioune fënns de am Agenda.

Workshops a Projetsdeeg – fir Schoulen a Jugendgruppen:

move. bitt verschidde Workshops zum Thema nohalteg Entwécklung fir Schoulen oder Jugendgruppen un. Bei interessante Projete vu Schüler an eisem Themeberäich kenne mir bei move. och den Tutorat iwwerhuelen. Dest och am Kader vu Schoulprojeten.

Bei weidere Froe schreift einfach e Mail op move@oeko.lu oder rufft un um 43 90 30 – 33.

Visionäre – E Workshop iwwer eis Zukunft (ab 14 Joer / 2 Stonnen / Max. 25-30 Schüler)

“Wéi wëlls du an Zukunft liewen? Wat ass dir wichteg? Fir wat géifs du dech asetzen? Gëff och du während dësem Workshop zum Zukunftsdenker. Zesumme spanne mir driwwer wéi mir eis d’Zukunft virstellen.”

Dëst ass e Workshop dee sech ubitt fir an d’Thematik eranzeklammen.

Maach e Stage bei move:

Säit Februar 2016, bitt move. jonke Mënschen d’Méiglechkeet e Stage am Oekozenter ze maachen. Am Stage kréie Schüler oder Studenten d’Méiglechkeet op engem konkrete Projet ze schaffen. Je no Dauer an Interessen, ginn zesummen Ziler festgehal a vill Wäert op déi perséinlech Entwécklung vum Jonke geluet.

Du bass un nohalteger Entwécklung interesséiert? Du hues Loscht op engem konkrete Projet ze schaffen?

Schéck einfach däi Motivatiounsbréif an däi CV op move@oeko.lu

 
Schreif dech an an bleif iwert all eis Aktivitéiten informeiert!
   Du hues dech ageschriwen.
Villmols Merci