Konsumkritësch Stadféierung fir Jonker

Rendez-vous: Samschde 25.Juni um 15h beim Kiosk op der Place d’Armes an der Stad. Dës konsumkritësch Stadféierung wäert bis ongeféier 17h daueren.

Du wëlls d’Stad eng Kéier mat aneren Ae gesinn? Du wëlls gäre wëssen a wéi engem Geschäft deng Produiten op eng responsabel Aart a Weis produzéiert ginn oder a wéi engem Restaurant’s de regional oder saisonal z’iesse kriss? Op dëser konsumkritëscher Stadféierung kanns de mat denge Kollegen op eng interaktiv Manéier d’Alternativen zu Louis Vitton a Mc Donalds kenneléieren. Zesummen diskutéiere mer iwwer global Zesummenhäng an hannerfroen d’Roll vum Verbraucher.

Mell dech an deng Kollegen un a verbréng e spannenden Nomëtten an der Stad!