Exkursioun: Fräi liewenden Hunnegbeien op der Spuer

Op dëser Exkursioun erkläert eis de Roger Dammé, Member vum Mouvement Écologique an Imker engersäits wéi seng Aarbecht als Imker ausgesäit an anerersäits wéi eng grouss Bedrohung di industriell Landwirtschaft fir d’Insekten an domat och fir eis Liewensmëttelversuergung duerstellen. Zesumme gi mir méi driwwer gewuer wéi mir gläichzäiteg d’Baueren an d’Biodiversitéit ënnerstëtzen andeems mir eis fir eng nohalteg Landwirtschaft asetzen.

Wann d’Wieder matspillt kënne mer op der Plaz frëschen Hunneg schmaachen, frësch aus de Waben!

Umellen kanns du dech per Mail un move@oeko.lu. Mir mellen eis da bei dir mat méi Informatiounen zum Treffpunkt etc.

Wichteg Informatioun: Denk drun, eppes Wiederfestes a stabil Schong unzedoen.