move. Fest: move.your.voices
Add to iCal >Wéi all Joers ass och 2023 rëm eist traditionellt move.Fest am Oekozenter Pafendall! Mat coole Bands, guddem Iessen a flotten Aktivitéiten. Maach mat bei eisem Quiz, bei deem sech alles em d’Superwaljoer 2023 dréint. Mir si gespaant op deng Meenung an op deng Erwaardungen un d’Politik. Bréng deng Kolleege mat a maacht eng Ekipp fir äert Wëssen ze testen!
Lass geet et um 16 Auer, wien wëll kann och scho moies ab 11 Auer hëllefen, fir ze preparéieren, opzeriichten an ze kachen. Du hues Zäit a Loscht en Dessert (am Léifsten vegan, lokal a bio) ze preparéieren? So eis einfach Bescheed: move@oeko.lu
Owes gëtt et ausserdeem ee vegane Kebabstand an och fir Gedrénks ass gesuergt! Entrée ass, wéi ëmmer, gratis 🙂
Programm
- ab 16h: Kleedertauschparty, Fuerderungsleinwand fir d’Superwaljoer, Chill Eck
- 17h: Pubquiz “Superwaljoer”: Test däi Wëssen iwwert déi politesch Parteien, d’Walen a geschichtlech Facts!
- 19h: Lyra (Indie/Alternative)
- 20h: Dystate (Art Rock)
- 21h: Le Vibe (Reggae)
Alleguerten d’Fotoen vun eisem leschte move. Fest fënns du hei.